कांता भाग- १

कांता भाग- १

आज मी जी गोष्ट तुम्हाला सांगणार आहे ती एकदम सत्य घटना आहे माझ्या आयुष्यात घडलेली.....

 तिसऱ्या वर्षीची इंजिनियरींगची परिक्षा देऊन मी गावी आलो होतो. आता दोन महिने तरी सुट्टी होती म्हणून मी निवांत होतो पण मी गावी गेलो आणि आईवडील एका महिन्याच्या चारीधाम याञेला गेले. तसे खाण्यापीण्याचे वांधे नव्हते कारण शेजारीच चुलताचुलती रहायचे आणि ते मला एकदम मुलासारखेच वागवायचे. पण एक समस्या होती ती म्हणजे मला आता शेतावर जाऊन काम करावे लागणार होते. मला शेतकामाची फारशी आवड नव्हती पण आता नाइलाज होता. चांगली १८ एकर बागायत शेती होती, पूर्वी सालगडी असायचा पण आता मजूर मिळणे कठीण झाले होते. 

सकाळी मी चहा नाष्टा केला आणि वडिलांच्या स्प्लेंडर गाडीला किक मारुन शेतावर आलो. शेत गावापासून चांगले दोन किलोमीटर होते. मी शेतावर गेलो, विहीरीजवळ झाडाखाली सावलीत गाडी लावली आणि मोटर सुरू केली आणि उसाला बारे देऊन झाडाखाली मोबाईल पाहत बसलो. थोड्या वेळाने बैलगाडी चा आवाज आला. आमच्या शेजारी भाऊसाहेबाचे दोन एकर शेत होते तो आणि त्याची बायको कांता बैलगाडीतुन आले. भाऊसाहेब चाळीशीच्या आसपास असेल उंच काळासावळा दणकट शरीरयष्टी. सगळे त्याला भाऊ म्हणायचे. त्याने मला पाहून हात वर केला आणि म्हणाला "काय समीर काय चाललय." मी हसून सांगितले की ऊसाला पाणी चालू आहे. त्याने गाडी थोडी पुढे नेऊन बांधाला सोडली आणि ते नवराबायको त्यांच्या शेतात गेले. *कांता* त्याची बायको ३५ च्या आसपास वय,मध्यम उंची, गोरीपान पण उन्हात शेतीचे काम करुन थोडीशी काळवंडलेली, मध्यम बांधा, भुरे किंवा घारे म्हणता येणार नाहीत आणि काळेभोर म्हणता येणार नाहीत असे पिंगट डोळे, घनदाट काळे केस,घट्ट वेणी कमरेपर्यंत गेलेली, तब्येतीच्या मानाने काहीसे मोठे वक्ष, बहुधा ब्रा घालत नसावी कारण स्तन जास्तच हलायचे चालताना.कांताला एक पंधरा वर्षाची मुलगी आणि अकरा वर्षाचा मुलगा होता. तिच्या मातृत्वाच्या खुणा कमरेवर, पोटावर दिसत होत्या.

भाऊसाहेब स्वतःची शेती करुन लोकांची पेरणी, औत हाकणे असली बैलांशी संबंधित कामे करायचा. आमची पण पेरणी औत हाकणे ही सगळी कामे त्याच्याकडेच होती. कधी बांधावरुन कटकट नाही की शेजारी असून भांडण नाही. खरतर भाऊसाहेबाला आमचा आधार होता. कधी सणावाराला दुखण्याबहाण्याला पाचदहा हजार लागले तर वडिल हमखास देत आणि नंतर कामातून वळते करुन घेत. शिवाय कधी पोलीस कोर्टकचेरी तलाठी मामलेदार आॕफिसला गरज पडली तर वडील त्याच्या साठी शब्द टाकत त्यामुळे भाऊसाहेब आणि त्याचे कुटुंब आमच्याशी सलोख्याचे संबंध ठेवून होते.

 क्रमशः